NAMAZI
ADHURIMI NË DIMENSIONET E MIRAXHIT
Titulli origjinal: Namaz
M. Fethullah Gülen
"Namazi është miraxhi i besimtarit; drita dhe buraqu i tij në rrugën e miraxhit... ai është anija, sateliti dhe mjeti fluturues i zemrave besimtare." Për udhëtarin e afrimit dhe takimit me Zotin, namazi është kazerma më e afërt me botët matanë dhe mjeti më i madh që kufizohet me qëllimin përfundimtar. Rruga për të qenë në ballë të të tjerëve në ditën e kiametit, me ballë të bardhë e vështrim ndriçues, kalon pikërisht përmes namazit dhe veprave që i paraprijnë atij. Ky adhurim, i cili është një titull i veçantë i afrimit me Allahun, mund të quhet edhe "ribat" – që do të thotë të kyçesh në mendimin e robërisë dhe ta kalosh jetën përballë të Vërtetit. Libri "Namazi" i fton lexuesit ta shohin këtë ibadet si një rregullator të kohës, ku jeta tanzimohet sipas një kuptimi të kohës me qendër adhurimin. Përmes kësaj vepre, autori shpjegon se si namazi i shndërron veprimet tona të zakonshme në adhurim, duke bërë që jeta jonë kalimtare mbi tokë të marrë ngjyrat e qiellit.